Неговата Светост, Српскиот Патријарх Порфириј, на 3 јули 2026 година во просториите на Патријаршијата во Белград оствари средба со пасторот д-р Марк Бернс, советник за духовни прашања на претседателот на Соединетите Американски Држави, Доналд Трамп.
Во разговорот учествуваа и членовите на Светиот архијерејски синод на Српската Православна Црква – Високопреосвештените митрополити Бачки Иринеј и Шумадиски Јован. Средбата се одржа во духот на меѓусебното разбирање, со цел унапредување на соработката меѓу двете христијански земји и двата христијански народа.
За време на посетата на Српската Православна Црква и на Република Србија, д-р Бернс ќе посети повеќе српски православни манастири и храмови.
На средбата присуствуваа и: Преосвештениот викарен епископ новобрдски Иларион; Феј Немер, консултант и генерален директор на Американската стопанска комора за Блискиот Исток и Северна Африка; Горан Петковиќ, генерален директор на компанијата Gemini Transport и коосновач на организацијата „Срби за Трамп“; Мајк Мансур, консултант и виш претседателски советник за прашања поврзани со Блискиот Исток во администрацијата на претседателот Трамп; Јована Петковиќ, оперативен директор на компанијата Gemini Transport; Ејприл Фелпс, шеф на Кабинетот на пасторот Марк Бернс; Вероника О’Шилдс, извршен асистент на пасторот Марк Бернс; ѓаконот Никола Костиќ, секретар на Кабинетот на Српскиот Патријарх; ѓаконот Никола Мутавџиќ, службеник на Светиот архијерејски синод на Српската Православна Црква; и Борис Секулиќ, службеник во Кабинетот на Српскиот Патријарх – известува интернет страницата на Српската Патријаршија.
