Службата за безбедност на Украина (СБУ) објави дека украинскиот претседател Зеленски потпишал указ за одземање на државјанството на Неговото Блаженство Митрополитот Киевски и Украински г.г. Онуфриј, поглавар на Украинската Православна Црква.
Во СБУ тврдат дека Митрополитот Онуфриј (Березовски) во 2002 година наводно добил државјанство на Руската Федерација, без да ги извести украинските власти за тоа.
Исто така, според СБУ, Митрополитот „одржува врски со Московската патријаршија и свесно се спротивставува на добивањето канонска независност на украинската црква од Москва“.
„И покрај целосната инвазија, Березовски (Онуфриј) фактички продолжува да ја поддржува политиката на Руската Православна Црква и нејзиното раководство, особено Патријархот Кирил“ – соопшти прес-службата на СБУ.
Извор: https://ssu.gov.ua/novyny/za-materialamy-sbu-prypyneno-hromadianstvo-ukrainy-oresta-berezovskoho-tak-zvanoho-mytropolyta-upts-mp-onufriia преку: https://spzh.eu/ru/news/87024-zelenskij-lishil-hrazhdanstva-blazhenejsheho-onufrija
