На 5 август 2026 година заврши дводневниот Меѓународен црковен фестивал „Света Богородица Портаитиса“, кој се одржа во Летниот театар во Варна, Бугарија и собра стотици посетители. Фестивалот се одржа со благослов на Варненскиот и Великопреславски митрополит Јован.
На завршната фестивалска вечер настапија византискиот хор „Мелодесос“, пејачката од Македонија Јована Богданоска, Детскиот хор при храмот „Свети Атанасиј“ од Варна, романскиот детски хор „Тронос“ и двата грузиски хора „Салиа“ и „Ранина“, изведувајќи дела од православната црковна музика. На концертот присуствуваа митрополитот Јован, свештенослужители од Варненската и Великопреславска епархија и бројни граѓани.
Фестивалот беше свечено отворен на 4 август со поздравно обраќање на митрополитот Јован. На првата фестивалска вечер настапија романскиот хор „Тронос“, официјален хор на Патријаршиската катедрала во Букурешт и еден од најреномираните ансамбли за византиско пеење во Романија, под диригентство на отец Михаил Бука, либанската пејачка Рибале Уехбе, светски познатата српска пејачка Дивна Љубојевиќ и српскиот хор „Мелоди“.
Фестивалот беше реализиран со финансиска поддршка од општинскиот фонд „Култура“.
Извор: https://bg-patriarshia.bg/news/priklyuchi-mezhdunarodniat-tsarkoven-festival-sveta-bogorodi
