„Православие за деца“, новоформирана непрофитна организација, со задоволство го најавува почетокот на анимираната серија „Софија“ создадена за да понуди привлечна, православна христијанска едукација за мали деца на возраст од 3 до 6 години. Основана како одговор на потребата од квалитетно верско образование во дигиталната ера, се раководи од мотото: „Учењето на Православието може да биде забавно“, развивајќи анимирана содржина, која има за цел да ја дополни, а не да ја замени, парохиската верска едукација, зацврстувајќи го она што децата го учат во црква и на неделното училиште.
„Софија“ ги воведува децата во богатството и убавината на православното христијанство преку молитви, химни, празници, светите тајни, монашкиот живот и секојдневниот ритам на Црквата. Со спојување на автентичната православна традиција со креативноста и пристапноста на современата анимација, организацијата „Православие за деца“ настојува да всади трајна љубопитност, благоговение и љубов кон Бога, за следната генерација да израсне поврзана со православната вера, нејзината заедница и радоста на животот во Христа.
Анимираната серија е достапна на Јутјуб каналот на организацијата.
Извор: https://orthodoxobserver.org/orthodoxy-for-kids-launches-new-animated-series-for-young-children/
