На 21.05.2023 година, кога Светата Православна Црква го прославува споменот на светиот апостол и евангелист Јован Богослов; препподобен Арсениј; света Емилија, Неговото Високопреосвештенство Митрополитот Брегалнички г. Иларион сослужуваше на Света Архиерејска Литургија, на која чиноначалствуваше Неговото Блаженство Архиепископот Охридски и Македонски и на Јустинијана Прва г.г. Стефан, во храмот „Св. Ап. и Ев. Јован Богослов” во с. Богословец, Светиниколско.
На крајот од Божествената Литургија Неговото Блаженство Архиепископот г.г. Стефан одржа пригодна беседа, а Митрополитот г. Иларион го благослови и пресече празничниот леб.
Христос Воскресе! – Навистина Воскресе!
