Во очи на официјалните прослави за денот на грчката независност, потпретседателката на САД Камала Харис ги прими, во Белата куќа: Архиепископот на Америка Елпидофор (од Цариградската патријаршија), заменик гувернерот на Калифорнија Елени Куналакис и уважени членови на грко-американската заедница.
Архиепископот Елпидофор ја изрази својата благодарност кон потпретседателката Харис за безрезервната подршка на Бајденовата влада, во соочувањето со значајни прашања за Цариградската патријаршија, за Грција и за Кипар. Тој ја информираше Камала Харис за иницијативите и за напорите на грко-православната Архиепископија на Америка.
Од името на Цариградскиот Патријарх Вартоломеј, Архиепископот Елпидофор ѝ упати официјална покана на потпретседателката на САД да го посети седиштето на Цариградската патријаршија во Истанбул.
