На 14 март оваа година, свештеникот Алексеј Головин, одговорен за опслужување на рускојазичните верници на Руската православна црква (Московска патријаршија) во провинцијата Анталија, во Турција, ја отслужи првата богослужба во заедницата на градот Фетије, во провинцијата Мугла.
Богослужбите во оваа заедница ќе се одржуваат редовно, известува на веб-страницата на парохиите на Московската патријаршија во Турција – https://mospaturk.ru/
Градот Фетије се наоѓа во југозападниот дел на Турција, на 200 километри од Анталија и 60 километри од аеродромот Даламан. Населението брои 84 илјади луѓе. Градот се наоѓа на брегот помеѓу Средоземното и Егејското Море во подножјето на планините покриени со борови и кедрови шуми.
