Фотографија: spc.rs
На предлог од Патријархот Порфириј, Светиот архијерејски синод на Српската православна црква го назначи Ремезијанскиот епископ Стефан за нов старешина на Подворјето во Москва. Тој, на оваа позиција, ќе го наследи блаженоупокоениот епископ Антониј.
„Предлагајќи го својот викарен епископ, Светејшиот Патријарх г. Порфириј имаше предвид дека неговиот животен пат, уште од раната младост, е поврзан со братската Русија и со сестринската Руска црква. Поглаварот на Српската православна црква е уверен дека љубовта на владиката Стефан кон духовноста на рускиот народ и пријателствата, кои ги остварил, ќе ги унапредат и ќе ги зајакнат врските на двете Цркви“ – се вели во соопштението на информативната служба на Српската православна црква.
На 5 мај 2024 година, епископот Стефан ја отслужи првата Литургија како старешина на Подворјето.
Извор: https://spc.rs/episkop-remezijanski-stefan-novi-staresina-podvorja-srpske-crkve-u-moskvi/
